Siglir tar il cuntegn

Header

cuntegn

Svizra Scandal da svapur: VW reparescha autos davent dal schaner 2016

Quai ha l'importader general Amag communitgà.

Las midadas necessarias vid ils autos da diesel manipulads da VW duajan cumenzar fin schaner 2016 per ils possessurs da tals autos en Svizra. Quai ha l'importader general Amag communitgà.

Els vegnian a scriver als possessurs pertutgads da fixar in termin tar il garaschist. Tenor Amag survegnan tut ils motor l'update da la software necessari. Tar autos cun in motor da 1,6 liters detti anc midadas supplementaras.

Il temp da far las midadas duai cuzzar pli pauc ch'in'ura. Silsuenter adempleschian alura ils autos las pretensiuns d’emissiuns, scriva Amag.

VW aveva admess d’avair manipulà las valurs da svapur tar ils motors da diesel. Per questa raschun smanatscha al concern tranter auter in chasti da milliardas da dollars en ils Stadis Unids.

RR novitads 06:00

Artitgels legids il pli savens