Siglir tar il cuntegn

Svizra Scalina sto anc inagiada vegnir serrada

La via tranter Göschenen ed Andermatt sto danovamain vegnir serrada pervi d'ina siglientada. Il mardi avantmezdi vegn la via d'autos sco era la lingia da viafier serrada, vitiers saja da quintar fin venderdi cun interrupziuns da fin mes'ura. Quai communitgescha l'Uffizi federal da vias ASTRA.

paraid crap, lavurers èn vidlonder da segirar la paraid
Legenda: Adina puspè croda crappa en la Scalina (Schöllenen). Sin il maletg las lavurs da segirar dal 2015. Keystone

Durant las lavurs da rumida saja vegnì constattà ch'ils grips gia siglientads la dumengia (10-4-2016) èn anc adina in ristg e ston anc ina giada vegnir siglientads. Perquai vegn la via tras la Scalina serrada il mardi avantmezdi per tut il traffic tranter las 9 e las 11.

RR novitads 20:00