Siglir tar il cuntegn
Inhalt

Svizra SBB vul optimar la punctualitad al Gottard

Enfin l'onn 2018 investescha l'SBB ulteriurs 12,9 milliuns francs. Quai per ch'ils pendulins - en tudestg Neigezüge - charreschian a moda pli punctuala sin la lingia dal Gottard.

Il pendulin da la SBB dal tip ETR 610
Legenda: Il pendulin dal tip ETR 610 sto vegnir meglierà Keystone

La SBB sto optimar il tip da pendulin ETR 610 ch'ha gì bleras pannas en il passà. La punctualitad sin la lingia dal Gottard saja cun 82% sut la finamira. La finamira sajan 85% ha communitgà l'SBB. Ils trens valan sco punctuals sch'els n'han betg dapli che trais minutas retard.

Il grond problem dal pendulin saja il mument ch'il modus da pendenza e la tracziun funcziunan a moda insuffizienta. In ulteriur problem saja dentant che blers trens che vegnan si da l'Italia cuntanschian gia cun retard la Svizra.

RR novitads 12:00