Siglir tar il cuntegn
cuntegn

Svizra SBB transferescha plazzas per spargnar custs

Las Viafiers federalas transfereschan 170 plazzas da lavur da Lucerna ad Olten. 70 persunas pon restar a Lucerna, ston dentant midar en in auter biro.

La staziun dad Olten.
Legenda: La SBB rinforza ses lieu da lavur ad Olten. A partir da la primavaira 2017 sa chattan 170 plazzas da la sparta infrastructura en il parc da l'Aara. Keystone

Cun concentrar ils lieus da biro vul la SBB spargnar custs davent l'avrigl 2017. Las surfatschas che vegnan libras a Lucerna vegnan dadas a fit. Sco quai che las Viafiers federalas communitgeschan, sajan ils collavuraturs pertutgads vegnids infurmads. Cun concentrar il lieu da lavur spera la SBB sin ina meglra collavuraziun aifer ils teams ed ina effizienza da lavur pli auta.

Las plazzas da las divisiuns traffic da persunas, Cargo ed immobigliasrestan al lieu da fin qua.Las directivas dal contract da lavur collectiv vegnan tegnidas en, la cumissiun da persunal ed ils partenaris socials sajan involvids stretgamain en il process.

RR novitads 18:00