Siglir tar il cuntegn
Inhalt

Svizra SBB sbassa ils pretschs da bigliet, forsa

Ils bigliets per trens da l'SBB na duain betg pli s'augmentar, mabain plitost sa reducir. Quai ha ditg il schef da las Viafiers federalas Svizras, Andreas Meyer, en la «Sonntagszeitung». Sche l'SBB transferiss ils custs creschents sin ils pretschs da bigliet, fiss ella betg pli abla da concurrer.

Andreas Meyer
Legenda: Il sistem da l'SBB saja occupà memia pauc, en media sulet per 30% di Andreas Meyer, il schef da l'SBB. Keystone

Il schef da l'SBB na vesa nagin avegnir cun augmentar cuntinuadamain ils pretschs. Las tariffas stoppian plitost sa stabilisar u schizuns sa sbassar.

Bus a distanza lunga sajan sulet ils indizis per ina concurrenza creschenta ha ditg Meyer en l'intervista cun la Sonntagszeitung. Sche l'SBB transfereschia ils custs pli auts, sco per exempel ils pretschs da trassé, semplamain sin ils pretschs da bigliets gaja quai forsa bain a curta vista. En diesch onns fiss l'attractivitad dal traffic public restrenschì fitg.

RR novitads 15:00