Siglir tar il cuntegn
cuntegn

Svizra SBB po realisar tunnel da Bözberg

La construcziun dal nov tunnel da viafier da Bözberg en il chantun Argovia po cumenzar. L'Uffizi federal da traffic ha approvà il project da las Viafiers federalas che custa 350 milliuns francs.

Grazia al nov tunnel pon en il futur camiuns cun in'autezza da 4 meters vegnir transportads cun tren.
Legenda: Grazia al nov tunnel pon en il futur camiuns cun in'autezza da 4 meters vegnir transportads cun tren. Keystone

Cun l'approvaziun dals plans po la SBB cumenzar a bajegiar il tunnel tranter Effingen e Schinznach-Dorf en il chantun Argovia.

Camiuns pli gronds pon charrar en direcziun Gottard

Il nov tunnel lubescha da transportar camiuns pli gronds en direcziun dal Gottard. El remplazza il tunnel existent da 2,5 kilometers lunghezza. Quel serva en il futur sco tunnel da servetsch e da salvament.

En 5 onns – pia il 2020 – duai il nov tunnel da Bözberg esser pront per il traffic da viafier.

RR novitads 12:00