SBB lantscha campagna per impedir suicidis

«Pledar po salvar» - cun quest motto ha la SBB lantschà ensemen cun il chantun Turitg ina nova campagna da prevenziun per impedir ils suicidis. Mintg'onn fineschan en media 112 persunas lur vita cun sa bittar avant in tren.

Rodaglias da tren.

Legenda da maletgs: Onn per onn fan passa 100 persunas suicidi cun sa bittar avant in tren. Keystone

Sco quai che las Viafiers federalas communitgeschan s'augmentia quest dumber plaun dentant cuntinuadamain ils ultims 10 onns. Cun la campagna vul la SBB animar persunas periclitadas e lur confamigliars da discurrer dals patratgs da suicidi e da nizzegiar l'agid. La SBB scolescha er passa 10'000 collavuraturas e collavuraturs da percorscher persunas periclitadas da suicidi e d'agir a moda commensurada.

RR novitads 11:00