Siglir tar il cuntegn

Svizra SBB infurmescha vinavant davart las colliaziuns en il tren

Viafiers federalas decidan suenter fasa da test da mantegnair las annunzias davart colliaziuns en il tren ed a staziuns. Cun in test pratic haja ins examinà sche pli paucas annunzias hajan sco effect ch'ils passagiers sajan pli attents en cas da disturbi. Quai na saja però betg il cas, scriva l'SBB.

Situaziun en sutpassadi da la staziun a Turitg.
Legenda: Las annunzias sur ils autpledaders a las staziuns restan sco fin qua. Keystone

Cunzunt per tschorvs, per persunas attempadas, dentant era per persunas che n'èn betg disadas da far viadis cun il tren sajan las infurmaziuns sur ils autpledaders da gronda impurtanza. Tala glieud sa sentia pli segira e possia far lur viadi independentamain.

Sin il tschancun da Turitg a Son Gagl ha las Viafiers federalas empruvà differentas variantas da communicaziun. En il tren ed a la staziun han las Viafiers federalas per exempel communitgà durant ina fasa da test mo davart il retard da trens u midadas da binaris. L'analisa haja dentant mussà, che las annunzias davart las colliaziuns sajan adina necessarias.

RR novitads 06:00