Siglir tar il cuntegn
Inhalt

Svizra SBB ha difficultads cun plans da lavur

Problems datti surtut cura ch’il persunal sto vegnir disponì enturn, lura na saja betg vesaivel tge locomotivist che fa il servetsch, scriva la SBB.

Purtret da la staziun principala a Turitg cun bleras persunas che traverseschan.
Legenda: La Viafier federala ha l'ultim temp adina puspè gì problems cun il sistem da plans da lavur. Keystone

La viafier federala ha problems cun il nov sistem dal plan da lavur, in pledader da la SBB ha confermà in rapport correspundent da la gasetta Neue Zürcher Zeitung. 90% da las dumondas cun il nov sistem sajan normalas, problems datti surtut cura ch’il persunal sto vegnir disponì enturn, lura na saja betg vesaivel tge locomotivist che fa il servetsch, scriva la SBB.

Tenor il rapport da la NZZ èsi vegni l’ultim temp tar retards e tar trens ch’èn crudads ora, savens cun il motiv ch’ì manchia persunal. Il pledader da la SBB ha discurrì ina situaziun da manaschi difficila. L'ultim mais haja dà blers disturbis, in grond disturbi a la staziun da Lucerna, in'interrupziun tranter Lausanne e Genevra, blers plazzals ed era blers accidents cun persunas hajan engrevgià il manaschi da la SBB. Quai saja er stà il motiv per plirs trens che sajan crudads dal tut il november.

RR novitads 18:00