Siglir tar il cuntegn
Inhalt

Svizra SBB cun bilantscha positiva

Las purschidas dal tunnel da basa dal Gottard sa cumprovan, uschia che las Viafiers federalas svizras pon trair ina bilantscha positiva tschintg mais suenter l'avertura.

In tren vegn gist or dal tunnel da basa al Gottard.
Legenda: La SBB è cuntenta cun la purschida al Gottard. Keystone

Dapi ch'il tunnel da basa al Gottard è en funcziun èn 7024 persunas viagiadas tras quest tunnel e 10'706 trens da vitgira han transportà rauba tras il Gottard. En media charreschan radund 130 trens a di sin quest traject. Sa migliurada saja er la punctualitad dals trens. Tuttina dovri anc adattaziuns, scriva la SBB en ses rapport. Surtut tar il traffic che vegn da l'Italia.

Adattaziuns planisadas

Sin champ naziunal vul la SBB introducir ina colliaziun directa baud la damaun tranter Basilea sur Lucerna en il Tessin. I duai dar ina colliaziun avant las diesch la damaun. Sur Anzainzas e Tschuncaisma duain circular dapli trens e la purschida sur il traject da panorama al Gottard duai medemamain vegnir schlargià.
Il tunnel da basa al Gottard è en funcziun dapi ils 11 da december 2016.

RR novitads 12:00