Siglir tar il cuntegn

Header

cuntegn

Svizra SBB Cargo stritga 230 plazzas enfin 2020

Enfin il 2020 vegnan las plazzas stritgadas en la centrala dad Olten, ma era tar ils locomotivists. Ina da las raschuns è il nov tunnel da basa dal Gottard che lubescha da charrar cun damain locomotivists. Quai ha ditg il schef dad SBB Cargo Nicolas Perrin en la Basler Zeitung.

Vitiers vegnia il nov concept per il transport da vitgira. Quel partia giu las massas sin l'entir di enstagl da be in transport la notg. Uschia sappia la Cargo planisar cun rodund 80 locomotivists pli pauc. Ma nagin na perdia sia plazza. Quai perquai che SBB Cargo haja tendenzialmain memia paucs locomotivists. Plinavant scumonda il contract collectiv da lavur da relaschar glieud per motivs economics.

Era stritgar fa la Cargo tar la centrala ad Olten. Là duain 70 plazzas svanir enfin la fin da l'onn. Enfin il 2020 lura anc ina giada 80, sco Nicolas Perrin, il schef da l'interpresa di. Las mesiras sajan vegnidas discutadas cun ils partenaris socials ed ils collavuraturs.

Il tunnel dal Gotthard procura per concurrenza

La ruta dal Gotthard saja quella che vegnia concurrenzada il pli intensiv en l'Europa. Viafiers da l'exteriur sappian el futur charrar cun lur agen persunal tras la Svizra. Tut ils custs auter che quels per ils trassé giajan lura en l'exteriur, per custs pli bass ch'en Svizra.

RR novitads 11:00

Artitgels legids il pli savens