En ils proxims onns vegnian ins a stritgar radund 760 plazzas, ha il schef da la SBB Cargo Nicolas Perrin annunzià en intervista cun la gasetta «Schweiz am Wochenende». Bunamain in terz dals collavuraturs sto damai bandunar l'interpresa da transport da bains sin rodaglia.
Memia blers en l'administraziun
Per l'ina saja l'apparat d'administraziun era suenter la reducziun dad 80 plazzas annunziada memia grond. Ins stoppia enfin il 2020 almain stritgar il dubel, ha il manager ditg. Per l'autra veglia SBB Cargo lavurar pli effizient e betg pli sa concentrar sin bleras singulas chargias. En quel sectur haja l'interpresa pers 14% da la svieuta l'onn passà.
Cuntanscher la reducziun da persunal vul Perrin cunzunt cun pensiuns e cun la midada da persunal usitada.
RR novitads 09:00