Siglir tar il cuntegn

Header

cuntegn

Svizra Sbassar premias da cassas da malsauns per uffants

En Svizra beneventa ina maioritad premias da cassas da malsuns pli bassas per uffants e giuvens creschids.

Uschia vulan 4 da 5 dumandads pli bassas premias per uffants ma sulet ord da chasadas cun entradas bassas, quai mussa il monitoring da sanadad fatgs da l’institut gfs.Berna. Ina stretga maioritad da 53% fiss perfin persuenter d’insumma stritgar las premias per ils uffants.

Solidaritad sa reducescha en tscherts secturs

Da l'autra vart mussa il monitoring da sanadad dentant era clers signals che la solidaritad lascha suenter en tscherts secturs. Bun 1/3 dals dumandads pretendan per exempel che las cassas na duain betg pli surprender ils custs da medicaments en cas da bagatella. Anc pli gronda è la sceptica tar mesiras sch'in pèr ha problems da survegnir uffants ni tar la prevenziun da malsognas. Mo circa la mesadad dals dumandads è dal maini che las cassas duain en mintga cas surprender tals custs. E sch’i va per problems da sanadad en connex cun il fimar, l’alcohol ni il maldiever da drogas è la solidaritad anc pli pitschna.

audio
Mezdi: Monitoring da sanadad da l'instiut GFS a Berna
ord Actualitad dals 19.06.2017.
laschar ir. Durada: 1 minuta 49 Secundas.

Malgrà tut quellas cifras èn cun 99% bunamain tut ils dumandads cuntents cun la qualitad dal sistem da sanadad svizzer. Ina maioritad da 58% vul mantegnair il catalog da prestaziun sin il stan dad oz. Be 11% han detg gea ad ina reducziun. Era vid il obligatori da l'assicuranza fundamental na duai vegnir midà nagut. Bunamain 92% èn dentant era dal maini ch'ils custs vegnan era il futur a crescher.

La retschertga vegn dapi l'onn 1996 fatga ina giada l'onn fatgs da l’institut gfs.Berna per mauns da Interpharma, l’uniun da l’industria farmaceutica da la Svizra. Tranter ils 6 da mars ed ils 25 da mars èn en tut vegnidas dumandadas 1’200 persunas en l'entira Svizra. Il sbagl da prova è tar +/- 2,9%.

RR novitads 10:00

Artitgels legids il pli savens