Siglir tar il cuntegn
Inhalt

Svizra Savurs ed aromas procuran per dapli gudogn

Il producent da savurs ed aromas svizzer Givaudan ha fatg dapli gudogn l'emprim mez onn dal 2015.

La sedia principala da Givaudan a Vernier, datiers da Genevra.
Legenda: La sedia principala da Givaudan a Vernier, datiers da Genevra. Reuters

Il concern da Genevra ha augmentà ses gudogn per 11,2% cumpareglià cun la medema perioda dal 2014 sin 339 milliuns francs, sco Givaudan communitgescha. La svieuta è dentant stagnada tar 2,2 milliardas francs.

Sbassar ils custs cun producir en l'exteriur

La creschientscha dals custs ha Givaudan pudì cumpensar tras il transfer da products da Kempthal en la nova fabrica d’aromas en l’Ungaria.

Givaudan inditgescha la finamira d'augmentar la svieuta ord atgna forza mintg'onn per 4,5 fin 5,5%.

RR novitads 09:00