Siglir tar il cuntegn

Header

cuntegn

Sarnen Duas bartgas han ars pervi da fieu artifizial

A Sarnen en il chantun Sursilvania han ars la saira dal prim d'avust duas bartgas cun fieus artifizials en il Lai da Sarnen. Ils fieus sajan explodids a moda nuncontrollada en tuttas direcziuns. In dals dus manaders da las bartgas è sa blessà lev.

Il fieu artifizial sin las bartgas per la festa naziunala uffiziala sin il Lai da Sarnen haja cumenzà punctualmain a las 22:00, communitgescha la Polizia chantunala. 5 minutas pli tard saja lura rut ora in fieu sin ina da las bartgas. Raschun è in disturbi tar il fieu artifizial. Ins haja sinaquai interrut il fieu, ma tuttenina saja il fieu artifizial explodì en tuttas direcziuns ed er la segunda bartga ha cumenzà ad arder.

Ils dus manaders da las bartgas han pudì vegnir salvads. In dad els è però sa blessà lev. Curt suenter mesanotg è il fieu stà stizzà.

RTR novitads 06:00

Artitgels legids il pli savens

Scrollar a sanestra Scrollar a dretga