Siglir tar il cuntegn
Inhalt

Svizra Sargans: Ina persuna mora da sajettim

In um da 40 onns è mort dal sajettim, delinquent saja in um da 28 onns ch'è s'annunzià sez tar la polizia. Il motiv per il sajettim n'è anc betg enconuschent.

Purtret d'in auto da polizia e dasperas ils investigaturs.
Legenda: Las investigaziuns marschan anc. MAD / Polizia chantunala Son Gagl

Capità e quest incident sper ina chasa d'in club, curt avant las 21:30 uras, sco quai che la polizia chantunala ha communitgà. Persunas datiers da là hajan udì il sajettim ed han chattà l'um grev blessà per terra. L'equipa da salvament ha suenter be anc pudì constattar sia mort.

Il delinquent suspectà haja er dà a la polizia l'arma ch'el haja duvrà. Las circumstanzas exactas èn il mument anc chaussa d'investigaziun. L'unfrenda sco era il delinquent suspectà hajan abità en la regiun.

RR novitads 10:00