Siglir tar il cuntegn
Inhalt

Svizra Santésuisse pretenda in stop tar contractivas davart nov Tarmed

La tariffa da medis Tarmed n'è betg pli confurm e sto vegnir surlavurà. Medis, ospitals ed ina part da las cassas da malsauns èn sa cunvegnids sin ina revisiun. Santésuisse n'ha betg collavurà e pretenda ussa in paus.

logo da Santésuisse
Legenda: L'uniun tetgala da las cassas da malsauns n'è betg d'accord cun la revisiun da la tariffa da medis fin uss. Keystone

Quai che saja ussa sin maisa na possia betg vegnir acceptà ha ditg Verena Nold, la presidenta da l'uniun tetgala da las cassas da malsauns. Ella tema che la nova tariffa chaschunia dapli custs e quai muntass in augment da las premias.

In'expertisa che Santésuisse ha laschà far ensemen cun l'uniun dals chirurgs conferma ch'il nov sistem portia stimuls da quintar giu dapli prestaziuns. Motiv è tenor il sudi che mintga prestaziun supplementara muntia dapli entradas per il medi.

RR novitads 16:00