Siglir tar il cuntegn

Header

cuntegn

Svizra Sanadad ha custà 1,7 milliardas francs dapli

Ils custs da sanadad en Svizra creschan vinavant, quai però betg uschè ferm sco ils ultims 5 onns. Il 2013 ha la sanadad dals Svizzers e da las Svizras custà stgars 70 milliardas francs. Quai resulta da las novas cifras da l'Uffizi federal per statistica.

Ils custs da 69,2 milliardas francs è in plus da 2,5% cumpareglià cun l'onn 2012. Ils onns avant muntava quest augment adina passa 3,5%.

9 francs dapli mintga mais

Per persuna ha la sanadad uschia custà 9 francs dapli cun 713 francs il mais. Ils custs per la cassa da malsauns èn includids en questa cifra. Ils blers daners èn vegnids duvrads per chasas da tgira, prestaziuns da dentist e participaziuns als custs.

Tgi porta con blers custs?

Bunamain in quart dals custs han tegnairchasa privats purtà. Dapli ch’in terz ha l’assicuranza da basa purtà, e radund in 5avel il maun public. Il rest dals custs sa reparta sin assicuranzas d’accident, uffizis socials ed assicuranzas supplementaras privatas.

RR novitads 12:00

Artitgels legids il pli savens