Siglir tar il cuntegn

Header

cuntegn

Svizra Samih Sawiris fa concurrenza a l'SBB

l'Andermatt Swiss Alps, l'interpresa da Samih Sawiris crititgescha questa purschida sco na betg sufficienta. Dapi la midada da l'urari ils 11 da december stoppian tscherts passagiers midar enfin trais giadas tren per arrivar ad Andermatt. Ussa vul l'interpresa reagir.

Dus mais suenter l'avertura dal tunnel da basa dal Gotthard n'èn ils Uranais e Tessinais betg pli cuntents cun la purschida da l'SBB. Per passagiers che vegnan da Turitg, Basilea e Lucerna en la Planira da la Reuss ed en la Leventina na dettia quasi nagina colliaziun directa pli cun la Viafier federala.

L'Andermatt Swiss Alps, l'interpresa da Samih Sawiris vul ussa reagir. Els planiseschan ina purschida cun bus da skis cun in urari regular davent da Basilea, Turitg, Zug, Lucerna e Lugano ad Andermatt. Tar ina gronda dumonda fissan perfin viadis da mintgadi pussaivels. La purschida duai vegnir messa en funcziun davent da la proxima stagiun d'enviern, di Franz-Xaver Simmen, directur da l'Andermatt Swiss Alps.

RR novitads 10:00

Artitgels legids il pli savens