Ils 21 da schaner 2005 va in tren cun material en direcziun dal portal Bodio. Tar ina stgomia sa distatgan ils dus pli davos vaguns e collideschan cun in tren da lavur che stat sin il binari lateral. Il tren da lavur vegn catapultà enavant e smatga ensemen e splattitscha Salvatore di Benedetto e ses collega talian Andrea Astorino.
La procura publica dal chantun Tessin porta plant pervi da mazzament per negligientscha. «Insatge n’ha betg funcziunà endretg», di il bab da Salvatore. «Igl è il medem sche jau vom cun auto cun pneus davant isads e defects. Sch’i capita insatge, na poss jau lura dir: Quai è stà destin.»