Svizra - Salez: Giuvna è anc adina en privel da vita
La giuvna da 17 onns ch'era vegnida blessada tar l'attatga a Salez la sonda passada è vinavant en in stadi critic. Quai ha ditg la procura publica dal Son Gagl sin dumonda da l'agentura da novitads svizra, sda.
Ina dunna da 43 onns haja entant pudì bandunar l'ospital. Sia figlia da 6 onns, saja dentant vinavant en l’ospital. Davart las inquisiziuns ed il motiv da l'attatgader n'ha il pledader da la procura ditg nagut da nov.
Tar l'attatga en in tren regiunal datiers da Salez eran ina dunna da 34 onns ed il delinquent da 27 onns morts.
