Sa pers il Silvester saira en la stgiradetgna

Da Son Silvester ha la Rega salvà 11 persunas ch’eran da viadi cun gianellas en la Part Sura Bernaisa.

In helicopter da la Rega che sgola.

Legenda da maletgs: Maletg da simbol: la Rega en acziun cura ch’i vegn stgir. Rega

Las 11 persunas avevan pers l’orientaziun suenter ch’i era vegnì stgir e pervi da la vista difficila, sco la Rega scriva. L’aura n’ha betg lubì da salvar las persunas cun l’helicopter. In helicopter ha dentant laschà giu dus alpinists salvaders, e quels han pudì manar a val sauna e salva la gruppa.

En tut è la Rega sgulada cun ses helicopters 320 giadas sur ils dis da festa. E sco l'interpresa communitgescha, hajan ils jets d'ambulanza repatrià 17 pazients da tut il mund, tranter auter da la Republica Dominicana, il Chile, il Panama e la Kenia.

RR Novitads 14:00