Siglir tar il cuntegn
cuntegn

Svizra Ruth Dreifuss daventa parsura da gremi da sanadad da l’ONU

L’anteriura cussegliera federala Ruth Dreifuss daventa parsura dal gremi per tecnologia medicinala, innovaziun ed access a medicaments da las Naziuns Unidas. Quai ha communitgà il secretari general da las Naziuns Unidas, Ban Ki-Moon.

Ruth Dreifuss.
Legenda: Ruth Dreifuss, qua al giubileum da 125 onns PS Svizra, ils 7 da settember 2013 a Berna. Keystone

Il gremi consista da 15 experts e tschertga vias per pussibilitar l’access tar provediment medicinal d’auta qualitad per pretschs pajabels. Dreifuss parta il presidi cun Festus Mogae l’anteriur president dal stadi african Botswana.

Il gremi duai far si’emprima sesida il december 2016. In mez onn avant vul Ban Ki-Moon preschentar ina seria da recumandaziuns per la sanadad publica.

Ruth Dreifuss è stada l’onn 1999 l’emprima presidenta da la Confederaziun. Ella s’engascha gia dapi onns per dumondas da sanadad.

RR novitads 09:00