Siglir tar il cuntegn

Svizra Rumantscha a la testa da la YEN

Suenter 26 onns puspè ina rumantscha a la testa da la giuventetgna europeica da minoritads YEN.

Legende: Video Giuanna Beeli è la nova presidenta da la YEN abspielen. Laufzeit 2:41 Minuten.
Or da Telesguard dals 17.04.2018.

L'assamblea generala da la giuventetgna europeica da minoritads YEN ha elegì Giuanna Beeli sco presidenta. Ella succeda a Britta Tästensen, che surdat il post suenter mo dus onns.

Giuvna cun ragischs a Sagogn

Giuanna Beeli è ina giuvna da 24 onns. Sias ragischs ha ella a Sagogn. En il rom principal è ella a l'universitad s'occupa cun l'istorgia. En in da ses roms laterals è ella però er sa profundida en rumantsch.

L'emprim contact cun la YEN ha ella gì en connex cun il festival da diversitad a Gdańsk/Danzig en Pologna. Il favrer 2018 è ella lura stada involvida en l'organisaziun dal seminari a Tavau tras la GiuRu.

YEN

La YEN è ina rait da organisaziuns da giuventetgna che sa metta en per la multi-cultura e la plurilinguitad da l'Europa. La finamira principala è da mantegnair e sviluppar ils dretgs da minoritads.

RR novitads 18:00