Siglir tar il cuntegn
Inhalt

Svizra Ruedi Noser (PLD) è nov cusseglier dals chantuns da Turitg

Tar il segund scrutini per las elecziuns dal Cussegl dals chantuns a Turitg è il liberaldemocrat Ruedi Noser vegnì elegì. Quai annunzia l'uffizi da statistica da Turitg.

Ruedi Noser, qua ina fotografia dals 18 d'october 2015.
Legenda: Ruedi Noser entra per il chantun Turitg en la Chombra pitschna. Keystone

Noser ha distanzià cleramain il verd Bastien Girod e Hans-Ueli Vogt da la PPS. El ha fatg 150'548 vuschs ed ha uschia defendì il sez da Felix Gutzwiller ch'è sa retratg.

Bastien Girod dals Verds ha survegnì 106'946 vuschs, Hans-Ueli Vogt da la PPS 74'758 vuschs. En l'emprim scrutini figurava Vogt anc avant Girod. Uss sto el sa cuntentar cun in terz plaz.

Gia elegì en l'emprim scrutini era vegnì il socialdemocrat Daniel Jositsch.

RR novitads 16:00