Siglir tar il cuntegn

Header

Navigaziun

pur maina sia vatga vid la corda
Legenda: La nova regina e ses possessur Henri-Bernard Glassey. Keystone
cuntegn

Svizra Ruby è la nova regina da las vatgas Eringer

Ruby ha gudagnà il final naziunal ad Aproz (VS). Avant var 10'000 aspectaturs ha ella gudagnà il titel, damai senza cumbat. Suenter ina victoria en la penultima runda cunter Tzigane è Ruby vegnida curunada sco regina.

Il cumbat final cunter la vatga Datak n'hai betg dà perquai che omaduas vatgas Eringer tutgan al medem possessur. En la muaglia è Ruby la vatga dominanta.

En il mezfinal aveva Datak gudagnà cunter Surprise suenter in cumbat intensiv e suenter ina decisiun dispitaivla da la giuria.

La gronda favurita, Frégate (victura dals onns 2014 e 2015), n'ha betg pudì persvader quest onn. La vatga d'in possessur dal Vad patescha dapi onns d'arthrosa. Ditg n'è betg stà cler sch'ella sa participescha insumma al final naziunal.

Quest onn èn radund 2'000 persunas pli pauc stadas a guardar il final. L'aura bletscha e fraida n'ha betg carmalà tanta glieud sco auters onns. Per las radund 150 vatgas èn las premissas da cumbat dentant stadas favuraivlas.

RR novitads 07:00