Siglir tar il cuntegn
cuntegn

Svizra Ruag producescha aviun d'armada Gripen per Saab

Il concern d’armament e tecnologia da la Confederaziun «Ruag» vegn a construir parts da l’aviun d’armada Gripen per il concern svedais Saab. La Ruag ha suttascrit ils contracts correspundents per 80 milliuns francs.

In aviun dal tip Gripen.
Legenda: La Ruag duai producir 33 prototips e 546 aviuns en seria. Keystone

L’interpresa d’armament producescha in indriz per fixar chargias per l’aviun dal tip Gripen E/F.

Indriz per purtar carburant, armas u sistems d'exploraziun

L'indriz pussibilitescha da montar vi dals aviuns ulteriurs tancs da carburant, armas u sistems d'exploraziun. Tenor la Ruag sa tracta quai d'elements tecnologics cumplex che cuntegnan tant parts electronicas sco er mecanicas.

In segn per qualitad svizra

L’incarica saja in segn da qualitad per l’interpresa da products d’aviatica ad Emmen, ha ditg il schef da la Ruag Urs Breitmeier. Ils emprims prototips duain vegnir furnids la fin dal 2016. La producziun seriala vegn alura a durar enfin il 2026.

RR novitads 14:00