Siglir tar il cuntegn

Svizra Romands èn per in scumond categoric da telemarketing

Ils Romands odieschan telefons da reclama, e quai forsa anc dapli ch'il rest da la Svizra: Tenor ina retschertga da la Radiotélévision Suisse (RTS) giavischan nov da diesch persunas in scumond categoric da questa metoda da marketing.

Nov da diesch persunas en la Svizra romanda èn per in scumond categoric da telefons da reclama.
Legenda: Nov da diesch persunas en la Svizra romanda èn per in scumond categoric da telefons da reclama. Keystone

Dapi trais onns datti en Svizra ina lescha che scumonda il telemarketing cun numers ch'èn marcads en il cudesch da telefon cun ina stailetta. La medema retschertga da la RTS ha dentant mussà nagina differenza tranter persunas cun e persunas senza questa stailettas: Tuts survegnan pli u main tuttina blers telefons da reclama.

Sch'in scumond categoric midass la situaziun, è dubitaivel. Gia la lescha actuala na funcziuneschia betg, perquai ch'i saja en la pratica grev da cumprovar il malfatg e d'eruir l'origin dal clom.

Cun l'uschenumnà «spoofing» saja facil da manipular il numer da telefon che sa mussa sin il display. In telefonat che para da vegnir da l'atgna regiun, po perquai en la realitad vegnir d'in auter continent.