Siglir tar il cuntegn
Inhalt

Svizra Rolf Erb è mort

Suenter il concurs da sia interpresa avess Rolf Erb (65) stuì ir en curt per set onns en praschun. Sco la polizia scriva saja il motiv per la mort anc betg sclerì. Ma terzas persunas na giogan nagina rolla, ha communitgà la polizia.

L'entrada al chasti.
Legenda: L'interprendider è vegnì chattà mort en il chastè Eugensberg. Keystone

Il tribunal federal a Losanna aveva decis il favrer che Erb stoppia ir en praschun e che sia famiglia stoppia bandunar ses chasti en il chantun Turgovia. La fin da mars aveva il tribunal federal refusà in recurs dad Erb, ch’aveva vulì sa defender encunter la decisiun fond valair privel da suicidi acut.

El sorta dal tribunal.
Legenda: Rolf Erb suenter l’annunzia da la sentenzia a Turitg ils 15 da schaner 2014. Keystone

Erb era l’ultim schef da concern da la Gruppa Erb da Winterthur, ch’era ida en concurs l’onn 2003. Il cas vala suenter il grounding da la Swissair sco pli grond naufragi dad interpraisa en l’istorgia svizra. Ils donns duajan avair importà pliras milliardas scriva l’agentura da novitads svizra sda.

L’interprendider aveva adina snegà tut las rinfatschas en connex cun il concurs ed indossà la culpa a ses bab barmier.

RR novitads 07:00