Svizra - Roger Köppel vul daventar cusseglier naziunal da la PPS
L'editur e chauredactur da la Weltwoche, Roger Köppel candidescha per la PPS dal chantun Turitg sco cusseglier naziunal da las elecziuns parlamentaras da quest atun. Quai ha el confermà ad ina conferenza da pressa a Turitg.
Sco raschun principala ha Roger Köppel menziunà ch'el veglia cumbatter la politica desastrusa da la sanestra. Per el na tanschia betg da commentar ils fatgs en la gasetta, el stoppia intervegnir sez. L'independenza da la Svizra envers la UE saja sia missiun principala.
