Rösti vul trametter guardias da cunfin en l’Italia

Il president da la PPS Albert Rösti vul trametter guardias da cunfin a Milano. Quai saja l’ultima pussaivladad da metter tras la cunvegna da Schengen-Dublin.

Albert Rösti.

Legenda da maletgs: Tenor Albert Rösti pudessan las guardias da cunfin impedir immigrants illegals da viagiar en Svizra Keystone

Las guardias da cunfin pudessan impedir immigrants illegals da viagiar en Svizra, ha ditg il cusseglier naziunal bernais en ina intervista cun «Le Matin Dimanche».

85% dals fugitivs en Svizra vegnian cun il tren da Milano a Chiasso. Rösti ha bain ditg che la Svizra na possia betg construir mirs, la mesira proponida saja però in ferm messadi als cuntrabandists da persunas ed a migrants d’economia.

Sco mesira immediata duai la Svizra puspè introducir controllas da cunfin sistematicas. Cun sia pretaisa è la PPS però suletta: Las ulteriuras partidas grondas èn cunter talas controllas da cunfin.

RR novitads 17:00