Svizra - Roche cun dapli svieuta en l’emprim quartal
Il concern da farmazia da Basilea, Roche, ha fatg il prim quartal da quest onn ina svieuta dad 11,8 milliardas francs. Quai èn 3% dapli ch'avant in onn.
Cun curs da stgomi constants, cun in franc main ferm, fiss la svieuta creschida per 5%. Ins haja cumenzà l'onn cun bunas cifras da vendita e novs products hajan gì buna accoglientscha. Cifras da gudogn publitgescha Roche mo mintga mez onn.
