Roche creescha novas plazzas

Il schef dal concern da farma Roche, Severin Schwan, vul augmentar vinavant la capacitads da producziun en Svizra. El quinta da pudair stgaffir pliras 100 novas plazzas da lavur quest onn.

Il nov bajetg cun il num «Bau 1» dal concern da farma Roche.

Legenda da maletgs: Il nov bajetg cun il num «Bau 1» dal concern da farma Roche. Keystone

A la «Sonntagszeitung» ha el ditg ch'el saja fitg cuntent cun il svilup da la fatschenta.

Sin la dumonda, sche Roche vegnia a spustar plazzas da lavur en l’exteriur pervi dal ferm franc svizzer, ha el respundì na; il concern na saja betg pertutgà da la diminuziun dals exports.

Far dependent ils pretschs da medicaments da l'effectivitad

Schwan è plinavant sa mussà avert per l’idea da fixar ils pretschs da medicaments tenor lur effect. Quai muntass per exempel, che la Roche survegniss dapli daners per in medicament che tegna en vita in pazient da cancer. Muriss il pazient dentant prematuramain, lura survegniss il concern nagut. Fin qua datti mo in pretsch per in tschert medicament, senza che l’effect da tel vegn resguardà.

RR novitads 14:00