Siglir tar il cuntegn

Header

Navigaziun

cuntegn

Svizra Rob Gnant è mort

In dals pli impurtants fotografs da reportascha svizzers, Rob Gnant, è mort en la vegliadetgna da 86 onns. Tenor indicaziuns da sia famiglia è el mort ils 4 d’avust, quatter dis avant ses 87avel anniversari, rapporta l'agentura da novitads SDA.

Il fotograf lascha enavos in’ovra cun radund 200’000 negativs. Gnant valeva tenor experts sco «Van Gogh da la fotografia». Tar il focus da sia lavur tutgan ils differents munds da lavur, marginals da la societad sco er la vita sin la champagna.

Palma d'aur a Cannes

Il purtader dal Premi da film da Turitg è creschì si a Lucerna, nua ch'el ha fatg in emprendissadi sco fotograf. Ils onns 50 e 60 ha el lavurà sco fotograf da pressa.

Durant stgars 40 onns ha Gnant er lavurà sco um da camera per passa 30 films documentars e films lungs. Il 1963 ha el survegnì ensemen cun il reschissur Alexander J. Seiler la Palma d'aur al festival da film a Cannes en la categoria film curt.

RR novitads 06:00