Siglir tar il cuntegn

Header

Ina bumba d'aviuns en il deposit crudà ensemen.
Legenda: Ina bumba d'aviuns en il deposit crudà ensemen. Keystone
cuntegn

Svizra Ristg d'explosiun a Mitholz na saja betg acceptabel

A Mitholz en il Oberland Bernais existia pervia d'in anteriur deposit da muniziun in ristg d'explosiun augmentà. Quai communitgescha l'uffizi federal per l'ambient, el conferma cun quai in rapport d'avant in onn.

A Mitholz è l'onn 1947 crudà ensemen in deposit pervi d'ina explosiun. Nov persunas èn là mortas, sur 200 han pers lur ricover. Anc oz sa chattan var 3'500 tonnas muniziun cun pliras tschient tonnas material explosiv en la terra, quai tenor indicaziuns dal Departament federal da defensiun e protecziun da la populaziun DDPS. Il ristg per la populaziun na saja betg acceptabel.

La populaziun ha gia l'atun pretendì che la confederaziun rumeschia davent tut il material explosiv.

Ils uffizis federals hajan immediat infurmà la populaziun. Vinavant vegnia il deposit controllà pli ferm, tranter auter cun pliras cameras, in team d'experts lavuria vi da soluziuns per il privel augmentà. Mira saja da sbassar il privel actual fin pli tard il 2020. Sco basa per proximas decisiuns stoppian els dentant far in model tridimensiunal.

La regiun da l'anteriur deposit da muniziun.
Legenda: La regiun da l'anteriur deposit da muniziun. Keystone

RR novitads 06:00