Siglir tar il cuntegn
Inhalt

Svizra Ringier banduna Associaziun svizra da medias

Il concern da medias Ringier banduna per immediat l'Associaziun svizra da medias. Suenter che Ringier, l'SRG SSR e Swisscom han communitgà d’ir ina via communabla en il marketing, ha l’associaziun ditg che la SSR na dovria betg entradas da reclamas.

Il logo da Ringier, davon bandieras.
Legenda: Ils 17 d'avust han Ringier, SRG SSR e la Swisscom annunzià da fundar ina firma communabla da reclama. Keystone

Questa tenuta radicala da l'Associaziun da medias na partia Ringier betg. I saja perquai inevitabel da bandunar ella.

L’interpresa communabla planisada sto l’emprim anc vegnir approvada da la cumissiun da concurrenza CUMCO e da l’UVEK/Bakom. Sche questas dattan lur consentiment èsi previs ch’ella entschaiva cun sias activitads il prim quartal dal 2016.

Associaziun da medias deplorescha decisiun da Ringier

L'associaziun deplorescha la decisiun. I saja dentant la consequenza logica suenter che Ringier, l'SRG SSR e Swisscom giajan en l'avegnir ina via communabla en il marketing. Per l'associaziun è questa cooperaziun delicata ord vista da la politica da medias.

RR novitads 15:00 / 16:00