4 da 5 Svizras e Svizzers giavischan che noss pajais daventa independent d'imports da mangiativas. Quai mussa ina retschertga da gfs Berna. 70% dals dumandads sajan era pronts da pajar dapli per products che vegnan producids en Svizra. La retschertga mussa dentant cleramain ch'i dat grondas differenzas tut tenor vegliadetgna.
Glieud pli veglia metta pli bler pais sin persistenza
Pli veglia che la generaziun è, e pli grond pais ch'ella metta sin la segirtad da nutriment. Era la persistenza saja pli impurtanta en questa gruppa da vegliadetgna. Plinavant hajan persunas pli veglias era in plan co els veglian far frunt a las malsegirtads en connex cun il nutriment. 54% dals dumandads possedian, per exempel in magazin da reserva.
Generaziun Z betg pronta da pajar dapli per products locals
La generaziun Z, pia las annadas da 1995 enfin 2009, n'ha perencunter betg ina strategia clera. Ina provisiun da reserva na saja betg necessaria tenor els, els sajan dentant era betg pronts da pajar dapli per prodcuts locals. Il medem mument giavischian els dentant tuttina ina independenza da l'exteriur.
