Siglir tar il cuntegn
Inhalt

Svizra Retschaviders d'agid social sur lung temp n'èn savens betg sauns

Tgi che retira agid social sur in pli lung temp en Svizra ha savens da cumbatter cun problems da la sanadad. Quai mussa in studi da la scol'auta spezialisada da Berna.

Ina chombra d'in ospital.
Legenda: Il temp da retrair agid social è creschì ils davos onns; en media per radund 8 mais dapi il 2006. Keystone

Stgars 63% da las persunas che basegnan dapi passa 3 onns agid social han restricziuns da la sanadad. Radund 40% da questas restricziuns sa basan sin accidents u malsognas. Il studi mussa vinavant, che 57% dals retschaviders a lung temp n'han nagina furmaziun professiunala.

La quota da l'agid social è restada stabila il 2014. Il dumber dals retschaviders è pia sa sviluppà parallel tar la creschientscha da la populaziun.

RR novitads 12:00