Vers las 3:00 è il fieu vegnì constattà. Tenor la polizia da la citad saja grategià da stizzar il fieu avant ch'il traffic da pendularis ha cumenzà. La polizia suppona in incendi intenziunà.
Davent las dudesch duai il traject Oerlikon - Glattbrugg esser en funcziun puspè. La lingia enfin l'eroport resta anc interrutta pli ditg. Per cuntanscher l'eroport ston ils viagiaturs far il detur sur Winterhur u Effretikon u viagiar cun il tram, lingia 10 u 12.
Il traffic da sgol na sajan però betg pertutgà, uschia ha fatg a savair il pledader da l'eroport. Malgrà ch'i saja anc adina grev da cuntanscher l'eroport na dettia naginas colonnas als terminals. Era ils sgols na sa retardian betg.
RR novitads 08:00