Siglir tar il cuntegn

Header

Navigaziun

Ins vesa ils mans d’in medi ed in model d’anatomia.
Legenda: Restricziun d'admissiun per medis esters. Keystone
cuntegn

Svizra Restricziuns per medis esters en Argovia

Il chantun d’Argovia introducescha ina restricziun d’admissiun per medis esters. Tranter auter sajan problems da qualitad motiv per quai.

Tgi che n’ha betg fatg la scolaziun da medi in Svizra u almain lavurà trais onns sco medi en in post da perfecziunament renconuschì en Svizra na survegn betg pli l’admissiun da lavurar sco medi en il chantun Argovia. Quai ha communitgà il Departament da sanadad e fatgs socials dal chantun Argovia.

Medis en ospitals betg pertutgads

Tar medis che eran vegnì direct en Svizra a lavurar senza enconuscher las relaziuns localas, hajan ins constatà problems da qualitad. Ord quest motiv ha il departament responsabel ensemen cun l’Uniun da medis decidì d’introducir la restricziun d’admissiun per medis esters.

La restricziun vala per la part obligatorica da la cassa da malsauns. Betg pertutgà èn medis en ospitals e medis che han gia inoltrà ina dumonda d’admissiun.

RTR novitads 15:00