Siglir tar il cuntegn

Header

Navigaziun

Toni Brunner
Legenda: Toni Brunner sa basa sin quai ch'è sa cumprovà per il nov program da partida. Keystone
cuntegn

Svizra Restar fidaivel als principis

A chaschun da la radunanza da delegads da la partida populara svizra a Notwil ha il president Toni Brunner appellà da restar fidaivel als principis da la partida. Quai saja lur fermezza.

A Nottwill en il chantun Lucerna han passa 400 delegads da la Partida populara svizra approvà il nov program da partida per ils proxims 4 onns.

Il president da la PPS, Toni Brunner ha appellà da restar fidaivel als principis da la partida, quels sajan lur fermezza.

Politica d'asil e relaziun cun Europa restan puncts centrals

Il nov program da partida na sa differenziescha uschia betg fitg da quel da fin qua. Ils puncts centrals restian la politica d'asil, sco era la relaziun da la Svizra cun l'Europa, uschia Brunner.

En vista a las elecziuns naziunalas da l'atun sa tegnian els perquai vi da quai che saja sa cumprovà. Brunner ha punctuà ch'il champ burgais stoppia vegnir rinforzà per che la Svizra na vegnia betg pli ditg dictada dad ina maioritad dal center-sanester en il parlament.

RR novitads 17:00