Siglir tar il cuntegn

Svizra Requirents d'asil: adina dapli svaneschan

En Svizra svaneschan adina dapli requirents d’asil suenter ina decisiun d’asil negativa. Las persunas svaneschan uschia ord la statistica e savens er gist ord il pajais. Tranter l’avrigl ed il zercladur èn svanids 2'359 requirents d’asil, quai mussa la statistica d’asil da mez fanadur.

um anonim sesa sin ina saiv, enta maun ina melona
Legenda: Motiv principal per l'augment: la pratica d'asil pli severa da la Svizra. Keystone

Quai il dubel uschè blers sco anc en il quartal d’avant in onn. Dapi l’entschatta da l'onn saja quai bunamain 4000 cas, communitgescha il secretariat statal per migraziun.
Sco motiv principal numna ils experts las mesiras pli rigurusas en la pratica d’asil. Uschia vegnan ils requirents d’asil gia baud infurmads sche la decisiun po esser negativa.

La pli gronda part dals requirents che svaneschan deriva da l'Africa. L'emprim mez onn èn svanids las pli bleras persunas da Gambia (490), avant la Nigeria (347), l'Algeria (293) ed il Maroc (282).

RR novitads 10:00