Replica d'ovra atomara Beznau ha cumprovà sbagls da construcziun

L’Axpo sco gestiunaria da l'ovra atomara da Beznau en il chantun d'Argovia ha preschentà mussaments che las foras en il reactur 1 èn gia sa furmadas tar la construcziun da l’ovra atomara il 1965.

L'ovra atomara da Beznau.

Legenda da maletgs: Ina replica dal original ha mussà ch'ils sbagls da material èn gia dapi il 1965. Keystone

Il bloc 1 da l’ovra atomara da Beznau è cun 47 onns la pli veglia ovra atomara commerziala dal mund anc adina en acziun. Dapi il mars 2015 è quest bloc 1 ord funcziun. La stad 2015 èn alura vegnids chattads 925 sbagls da material. I sa tracta da pitschnas foras da tschintg fin a sis millimeters.

Replica ha confermà ils sbagls

Il concern Axpo ha laschà reconstruir ina part dal reactur pertutgà en ina replica e fatg tests cun quel. Durant la reconstrucziun èn sa mussads praticamain ils medems sbagls tar la construcziun sco tar l’original. Ils proxims mais vul uss l’interpresa testar vinavant la replica. Uschia saja cler ch’ils donns na sajan betg sa resultads entras il manaschi. Schebain quel vegn uss puspè mess en funcziun, decida alura l’autoritad per la segirezza nucleara Ensi.

RR novitads 17:00