Siglir tar il cuntegn
cuntegn

Svizra Reparter olimpiada d'enviern 2026 sin plirs lieus en Svizra

Ils gieus olimpics d'enviern 2026 duain vegnir organisads decentral en Svizra. Kurt Iseli da Gstaad, che fa part d'ina gruppa d'interess per gieus olimpics en Svizra, ha confermà rapports da gasetta en quai senn.

Ina statua davant la sedia dal Comité olimpic internaziunal a Losanna.
Legenda: La citad ospitanta per ils gieus olimpics 2026 pudess tenor ils iniziants esser, Lucerna, Berna u Turitg. Keystone

Tenor in concept provisori da la gruppa d’interess duain las differentas disciplinas olimpicas vegnir repartidas sin set regiuns e sin fin diesch citads. Quai duess succeder adina en lieus, nua che l’infrastructura ed know-how èn gia avant maun.

Olimpiada d’enviern fin uss duas giadas en Svizra

Il project da la gruppa enturn Iseli fiss uschia en il senn da l’agenda 2020 dal Comité olimpic internaziunal IOC. Quest’agenda prevesa gieus olimpics persistents.

L’IOC decida il fanadur 2019 sur da l’attribuziun dals gieus olimpics d’enviern 2026. Fin uss ha l’olimpiada d’enviern gì lieu duas giadas en Svizra; tant il 1928 sco er il 1948 a San Murezzan.

RR novitads 14:00