In sguard sin la situaziun da las cassas da pensiun svizras mussia che questa reducziun haja entant cuntanschì ina dimensiun che na fissi strusch stada imaginabla fin dacurt, uschia l’uniun sindicala.
Assicurads ston far quint cun fin 20% damain rentas
Sin 100’000 francs chapital da vegliadetgna pajan bleras cassas entant damain che 6000 francs renta ad onn, singulas schizunt damain che 5000. Quai demussa in’examinaziun da 60 cassas da pensiun. Sut il stritg muntia quai per ils assicurads ina reducziun da la renta da cassa da pensiun da fin a 20%.
Cumpensar cun rentas da l’AVS pli autas
Rentas pli autas pudessan tenor l’uniun sindicala vegnir cuntanschidas pli bunmartgà tar la AVS. L’assicuranza per vegls e survivents saja betg uschè dependenta dals martgads da chapital e duschia protegida meglier en la fasa da tschains bass. Per quest intent ha ella gia inoltrà l’iniziativa dal pievel «AVSplus». Quella pretenda in augment da las rentas da l’assicuranza per vegls e survivents da 10%.
RR novitads 14:00