Svizra - Reglas pli severas per lobists en Chasa federala
Il Cussegl dals chantuns ha approvà in'iniziativa parlamentara che pretenda che lobists stoppian esser accreditads. En in register public duajan lur patrun da lavur e lur mandats esser visibels.
Plinavant duaja esser pussaivel da limitar il dumber da lobists. Fin uss dastga mintga parlamentari surdar dus access per la Chasa federala.
Cun questa mesira vul il Cussegl dals chantuns far il lobing pli transparent e betg restrenscher u scumandar quel. La fatschenta va uss en la cumissiun predeliberanta dal Cussegl naziunal.
