Siglir tar il cuntegn
cuntegn

Svizra Reglar la relaziun cun il luf en la lescha da chatscha

L'iniziativa dal chantun Valais per abolir la protecziun dal luf ed extrar ord la uschenumnada cunvegna internaziunala da Berna è giu da maisa. Il Cussegl dals chantuns ha ditg per la segunda giada na a l'iniziativa che vul lubir da far chatscha sin il luf.

In luf.
Legenda: La protecziun dal luf duai vegnir reglada en la revisiun da la lescha da chatscha. Keystone

L’iniziativa dal chantun Vallais pretendeva che la Svizra aboleschia la cunvegna internaziunala da Berna che reglescha la protecziun da plirs animals. La finamira era da contractar da nov la cunvegna da Berna e d’alura excluder il luf ord da questa protecziun per pudair far chatscha sin il luf.

Iniziativa dal chantun Valais giud maisa

Il Cussegl naziunal aveva approvà avant in onn l'iniziativa dal chantun Vallais perquai ha la Chombra pitschna anc ina giada stuì tractar la fatschenta. La maioritad da la cumissiun d'ambient ha proponì danovamain da refusar l'iniziativa. Ella ha fatg allusiun sin la revisiun da la lescha da chatscha nua ch'il tractament dal luf vegn reglà da nov.

Sboz per lescha da chatscha prevesa da schluccar la protecziun dal luf

Il Cussegl federal aveva preschentà l’avust il sboz per la lescha da chatscha. Previs è da schluccar la protecziun dal luf. Uschia pudessan lufs che fan, malgrà tut las mesiras da protecziun pussaivlas, donns ni periclitescha ils umans era vegnì sajettads. Era vegniss la cumpetenza translocada sin ils chantuns uschia che lez pudessan decider da sajettar animals nuschaivels.

RR novitads 15:00