Tgi che posseda in'arma, sto laschar registrar quella. Quai vala er sch'el posseda l'arma gia dapi daditg. Cuntrari dal Cussegl naziunal è la cumissiun dal Cussegl dals chantuns persuenter da midar la lescha vertenta en quest senn.
Quai ha decidì la cumissiun cun 6 encunter 5 vuschs, sco ils servetschs dal parlament communitgeschan. La maioritad da la cumissiun è da l'avis che la segirtad da la polizia po uschia vegnir augmentada. Tenor l'opiniun dals adversaris munta la registraziun da las armas dapli birocrazia per ils abitants integhers.