Siglir tar il cuntegn
Inhalt

Svizra Regenza d'Argovia cunter iniziativa davart plan d’instrucziun 21

La regenza dal chantun Argovia vul introducir il plan d'instrucziun 21 e quai sco planisà. Ella refusa l'iniziativa dal pievel chantunala ch'è vegnida inoltrada. L’iniziativa manass il chantun en l’isolaziun da scolaziun, argumentescha la regenza dal chantun Argovia.

Cudeschs e computers.
Legenda: La regenza dal Argovia vul il plan d'instrucziun 21, ma vul il pievel era quai? Keystone

Senza quest plan d'instrucziun 21, communabel cun ils blers chantuns en Svizra, fiss il sistem da furmaziun da l'Argovia betg pli cumpatibel cun l'ulteriura Svizra, argumentescha la regenza dal Argovia. Las schanzas dals uffants sa reducissan senza il plan d’instrucziun 21 ed il chantun vegniss main attractivs per famiglias e interpresas.

Iniziativa vul be ina lingua estra en scola primara

Er la collavuraziun cun ils chantuns vischins vegniss pli greva. Tranter auter vul l’iniziativa che sulet ina lingua estra duai vegnir instruida en scola primara. Il Cussegl grond dal chantun Argovia vegn probabel a tractar la fatschenta il zercladur da quest onn. La votaziun dal pievel duai esser ils 12. da favrer 2017.

RR novitads 11:00