Siglir tar il cuntegn

Svizra Rega sgola 160 giadas durant ils dis da Nadal

Malgrà la mancanza da naiv ha la Rega gì da sgular 160 servetschs durant ils dis da Nadal. Mintga segund alarm è stà pervi da sportists d’enviern blessads.

In helicopter da la Rega.
Legenda: Il pli savens è la Rega sgulada en la Part Sura Bernaisa ed en il Grischun. MAD

Il di da Son Steffan è stà il di il pli intensiv cun 50 servetschs, communitgescha la Rega. Perquai che la naiv manca, n’hai dentant betg dà las fullas usitadas durant ils dis da Nadal.

La Rega era sa preparada sin ils bels dis d’enviern ed ha perquai staziunà a partir dals 23 da december in ulteriur helicopter a la basa a Wilderswil en la Part Sura Bernaisa. Durant ils dis da Nadal è la squadra «Rega 17» vegnida clamada 10 giadas.

Plinavant ha la Rega sgulà divers servetschs en l'exteriur. Trais aviuns sajan stads en acziun durant l’emna da Nadal sin plirs continents, per exempel sin las Maledivas ed a Vietnam.

RR novitads 17:00